«НАМАНГАН ҲАҚИҚАТИ» ГАЗЕТАСИДА ВИЛОЯТ БОШ ИМОМ ХАТИБИНИНГ МАҚОЛАЛАРИ ЧОП ЭТИЛДИ
Маълумки, шу йилнинг 20 ноябрь куни Президентимиз Олий Мажлис Қонунчилик палатасининг Бош вазир лавозимига номзодни кўриб чиқиш ва Вазирлар Маҳкамасининг яқин ва узоқ истиқболга мўлжалланган ҳаракатлар дастури муҳокамасига бағишланган мажлисда 2025 йилни «Атроф-муҳитни асраш ва «яшил» иқтисодиёт йили» деб ном берилишини таклиф қилдилар ва халқимиз ва кенг жамоатчилик томонидан бу таклиф қўллаб-қувватланди.
Келгуси йилимизга бундай ном берилиши Наманган вилояти диний соҳа вакилларини ҳам мамнун этди ва атроф-муҳитни муҳофаза қилишда ташаббускор бўлишга,«яшил иқтисодиёт» ривожига муносиб ҳисса қўшишга аҳд қилдилар.
«Наманган ҳақиқати» газетасининг бугунги сонида вилоят бош имом-хатиби Мусохон домла Аббасиддиновнинг «Ўзимиздан боғ қолдирайлик!» сарлавҳали мақолалари чоп этилди.
«Шу куннинг мавзуси» рукнидаги мақолада йил номи билан боғлиқ экологик вазият, мазкур йўналишда амалга оширилаётган ишлар, динимизда бу ҳақдаги кўрсатмалар хусусида сўз боради.
