Жонажон диёримизни мустақиллигини 35 йил тўлгани ва бу кун барчамиз қалбимизда ўзгача шукуҳ ва қувонч олиб келмоқда. Қолаверса айнан шу дамда, 1- сентябр билимлар куни хам қўшалоқ байрам десак адашмаймиз. Бу кунда қанчадан-қанча оилаларга хурсанчилик, қанчадан-қанча ёшларимиз учун хаёт мактабига илк қадам босиши бўлади албатта. Бу йилги ўқув йилини аьло бахолар билан тамомлаган ёшларимиз олий ўқув юртларга кириб илк талабалик қувончини ҳис қилсалар яна жажжи қўлларига ўқув қуроллари тўла сумкалар билан мактаб томон қадам ташлаган ёш ўғил-қиз фарзандалрииз қўзларимизни қувонтиради албатта.
Бу неьматларни барчасига аввало тинчлик-ҳотиржамлик ва мустақиллигимизни буюук неьматлари эканлигини тушуна билиш лозим.
Жажжи фарзандларимиз ўқув даргоҳига қадам ташлар экан уларнинг қалби ва онгида бир ажиб туйғув шу юрт фарзанди эканлигидан фахр туйғуси бўлади албатта. Хар бир мактаб ўқувчиси учун янги кун, янги умр дафтари ва янги хаёт бошланади. Биз ота оналар эса анашундай шукрона нематлар ўлароқ, фарзандларимизни ватанга мухаббат ва илм-фанга мухаббат рухида тарбия қилиш учун астойдил харакат қилиб бу жонажон юртисмиз ва инсонлар учун манфатлиу инсон қилиб тарбиялаш учун яна бир имконятдир.
Янги ўқув йилининг бошланиши — ҳар бир инсон ҳаётида алоҳида аҳамиятга эга бўлган қувончли ва унутилмас кунлардан биридир. Юртимизда яна шундай қувончлий онлар ташриф буюриб 1 сентябрь — Билимлар куни сифатида юртимизда илм-фанга, таълим-тарбияга, устоз ва муаллимларга бўлган юксак эҳтиром ифодаси сифатида кенг нишонланади.
Билим — инсонни камолот сари етаклайдиган буюк неъматдир. Инсон қанча кўп билим олса, дунёқараши шунча кенгаяди, эзгулик ва ёвузликни, ҳақ ва ноҳақни англаш қобилияти ортади. Шунинг учун ҳам халқимиз азалдан «Илм — ақл чироғи» деб бежиз айтмаган.
Ислом динида ҳам илм олишга жуда катта эътибор берилган. Қуръони каримда Аллоҳ таоло: «Билганлар билан билмаганлар тенг бўладими?» (Зумар сураси, 9-оят), деб марҳамат қилади. Бу оят илмли инсоннинг мартабаси юксак эканини кўрсатади.
Яна бир оятда: «Аллоҳ сизлардан иймон келтирганларни ва илм берилганларни даражалар билан кўтарур» (Мужодала сураси, 11-оят), деб баён қилинган. Демак, илм инсоннинг нафақат дунёдаги, балки маънавий ҳаётидаги мавқеини ҳам юксалтиради.
Бугунги кунда ёшларимиз учун таълим олиш, замонавий касб-ҳунарларни эгаллаш, хорижий тилларни ўрганиш, илм-фан ва технология соҳаларида ўз қобилиятини намоён этиш учун кенг имкониятлар яратилмоқда. Бу имкониятлардан оқилона фойдаланиш ҳар бир ёшнинг муҳим вазифасидир.
Билимли авлод — мамлакатнинг энг катта бойлиги. Чунки юртнинг эртанги тараққиёти, тинчлиги ва фаровонлиги бугунги ёшларнинг қандай таълим ва тарбия олаётганига боғлиқ.
Шу боис фарзандларимизни китоб ўқишга, илм ўрганишга, устозларни ҳурмат қилишга ва Ватанга садоқатли инсон бўлиб камол топишга ундаш барчамизнинг бурчимиздир.
Устоз ва муаллимларнинг меҳнати эса алоҳида таҳсинга лойиқ. Улар ёш авлодга нафақат билим, балки одоб-ахлоқ, инсонпарварлик, меҳнатсеварлик ва Ватанга муҳаббат туйғуларини ҳам сингдирадилар. Устознинг машаққатли меҳнати натижасида жамиятнинг билимли ва маънавий етук авлоди шаклланади.
Ёшларимизни илм йўлида тўғри тарбия қилишлигимиз ота-онани эртанги куни пойдевори хамдир. Агар биз фарзандларимизга ўз вақтида тўғри тарбия ва илм бера олмасак, нияти бузуқ манқурт кимсалар қўлига тушиб уларни нотўғри иддоларига алданиб юрт таянчи бўлиш ўрнига юрт душмани бўлиб қолишлиги хам хеч гап эмас. Азиз ота-оналар фарзанларимизни соғлом ақида ва илмлий қилиб тарбиялашда китоб, муаллим ва мактаб ва ўқув даргохларини ўрни жудахам катта.
Азиз ўқувчи ва ёшлар! Янги ўқув йилини катта мақсадлар билан бошланг. Ҳар бир кунингизни самарали ўтказиб, янги билим ва кўникмаларни эгаллашга интилинг. Китобни дўст тутинг, устозларингиз насиҳатларига амал қилинг. Илм олишдан ҳеч қачон чарчаманг, чунки билимга сарфланган вақт — келажакка киритилган энг қимматли сармоядир.
Билимлар куни барчамизга муборак бўлсин! Янги ўқув йили барча ўқувчи-талабаларга улкан ютуқлар, устозларга куч-ғайрат ва зафарлар, ота-оналарга эса фарзандларининг камолидан қувонч олиб келсин. Юртимизда илм-фан ва маърифат янада равнақ топиб, билимли, ватанпарвар ва маънавий баркамол авлод камол топсин!
Манбалар асосида тайинланди.
Абдурашид Иминов,
Учқўрғон туман “Хўжа Саид” жоме
масжиди имом хатиби
