Сиз билан биз мщмин мусулмонларга Оллоҳ ўзининг китобида ҳамма инсонларни жуфт-жуфт қилиб яратганлиги ҳамда бутун борлиқни шундай яратишлиги инсониятга катта бир ибрат эканлигини баён қилади. Шу жумладан Пайғамбаримиз соллаллоҳу алайҳи ва саллам ўзларининг ҳадисларида оила тинчлиги –жамиятнинг тинчлиги эканлигини таъкидлаганлар. Хадисларнинг бирида “Никоҳ менинг суннатимдир, кимки унга рағбат(қадр қимматини билмаса) қилмаса биздан эмас” деганлар. Шу хадиснинг ўзига уламоларимиз ўн жилдан ортиқ китоблар ёзганлар.
Оиланинг қанчалик аҳамиятли эканлиги уламолар хаётида кўришлигимиз мумкин. Бир кишининг тушида дунёдан ўтган биродарини кўриб, “Сизнинг даражангиз жаннатда баланд бўлса керак чунки Сиз уйланмай ибодат билан ўтган эдингиз”. Деб сўрабди. Уйланмай ўтган биродари “Йўқ меники баланд эмас балки менинг биродарим уйланиб, фарзандларини дин диёнат йўлида хизмат қиладиган, халқ хизматида қилганлиги учун унинг мартабаси меникидан баланд бўлди” деган эканлар.
Шу ўринда хулоса қилиш мумкинки Бир валий зот эрталаб туриб бомдод намозига тахорат қилаётиб, бир инграган овозни эшитибди. Қараса дарвозани олдида 3 та одам кетамиз деб турган экан. Бирлари йўқ кетмаймиз дермиш. Овозни эшитган валий зот уларни ислоҳ қилиш учун яқинлашиб сўрабди: “Сизлар кимсизлар” деса бирлари “Мен омадман”, иккинчилари “Мен бахтман”, учинчилари “Мен оқибатман” дебдилар. Агар Сиз бизга рухсат берсангиз Сизнинг уйингиздан кетамиз дебдилар. Шунда валий зот тўхтаб туринглар мен бориб аёлимдан, сўнг ўғлимдан, сўнг келинимдан сўрашим керак дебди.
Аёлидан сўраса ҳамма нарсамиз бор авто улов, молу дунё... бошқаларга ҳам омад, бахт, оқибат керак кетаверсин жавоб беринг уларга дебди.
Ўғлидан сўраса Отажон Дамас бор, Камаз бор, Малибу бор, Янги Ўзбекистондан кўп қаватли уй бор ҳамма нарса бор жавоб беринг уларга бошқаларга ҳам керакку дебди.
Келинидан сўраса Отажон ҳамма нарсамиз бор худога шукр лекин бир илтимосим бор ҳаммага омад керак, бахт керак, шу икки кетсин. Лекин оқибат қолсин. Шунда биз Оллоҳ ризосини топамиз. Иккисига бахт билан омадга рухсат беринг дебди.
Бўлган воқеани дарвоза олдида турганларга етказибди. Шунда иккиси омад ва бахт дод деб йиғлаб биз кета олмаймиз чунки, оқибат бор жойда бўламиз. Агар оқибат кетса кетамиз дейишибди. Шунинг учун оилаларимизнинг тинчлиги кўп ўринда ота-оналарнинг оқибати, қиз –ўғилларнинг оқибати келин овсинларнинг оқибати бор жойда ҳам бахт, омад, оқибат бўлади. Оилалар тинч - тотув бўлади. Бу эса жамиятнинг юксалишига ёшларимизни ривожланишига сабаб бўлади.
Аллоҳ барчамизни оилапарвар қилсин.
Абдумутолиб Масалиев,
Чуст туман “Балиқчи” жоме
масжиди имом-хатиби